როგორ იზრდება ჩემი შვილის ტერფი?

დაბადებისას ახალშობილებს თითო ტერფზე 22 ძვალი აქვთ, მაგრამ 5 წლის ასაკისთვის ძვლების რაოდენობა 26-მდე იზრდება.

პირველი რამდენიმე წელი არის გადამწყვეტი, როდესაც თქვენი შვილის ტერფის ძვლოვანი სტრუქტურა შედგება რბილი და მოქნილი ხრტილისგან, რომელიც დროთა განმავლობაში ყალიბდება როგორც ძვალი. ამ პერიოდში ბავშვის ტერფი ადვილად შეიძლება დაზიანდეს, თუ არ ხდება მისი სათანადო მოვლა და გაფრთხილება.

2 წლის ასაკიდან ნათელი ხდება, თუ როგორი ფორმის იქნება თქვენი შვილის ტერფი. ტერფის ფორმას მას თქვენ მემკვიდრეობით გადასცემთ. არსებობს ტერფის 3 ძირითადი მოყვანილობა:

კონუსური – როდესაც ცერა თითი გრძელია დანარჩენ თითებზე

მრგვალი – როდესაც მეორე და მესამე თითი უფრო გრძელია, ვიდრე ცერა თითი

კვადრატული – ყველა თითი ერთიდაიმავე სიგრძისაა

როგორ ვიზრუნო ჩემი შვილის ტერფის სწორ განვითარებაზე?

ბავშვის ტერფის სწორ განვითარებაზე ზრუნვას შეუძლია თქვენ შვილს თავიდან აარიდოს პრობლემები, რომლებიც შესაძლებელია წარმოიშვას მომავალში.

დარწმუნდით, რომ წინდებში და ფეხსაცმელში არის საკმარისი სივრცე ბავშვის ფეხისთვის, რომ მან თავისუფლად იმოძრაოს და თითები ჰქონდეს თავისუფალ, გაშლილ მდომარეობაში.

რეგულარულად შეუმოწმეთ ტერფები. ეს მოგცემთ საშუალებას, რომ შეამჩნიოთ შესაძლო პრობლემები, როგორიცაა წყლულები და ა.შ. დაბანეთ თქვენს შვილს ტერფები და კარგად გაუმშრალეთ თითებს შორის სივრცე. დააჭერით ფრჩილები ჰორიზონტალურად, რომ თავიდან აიცილოთ ფრჩხილის ჩაზრდა.

როდის არის რეკმოენდებული ბაშვისთვის პირველი ფეხსაცმლის შეძენა?

ახლადფეხადგმული ბავშვი წუთში დაახლოებით 176 ნაბიჯს დგამს. რაც უფრო მეტს დადის თქვენი შვილი ფეხშიშველი, მით უფრო ბუნებრივად განვითარდება მისი ტერფი.

როდესაც თქვენი შვილი სწავლობს სიარულს, მიეცით მას საშუალება, სახლში ფეხშიშველმა იაროს, მაგრამ დარწმუნდით, რომ იატაკი არის სუფთა და უსაფრთხო. ფეხშიშველი სიარული ტერფებს საშუალებას აძლევს, შეზღუდვების გარეშე იმოძრაოს და განვითარდეს.

როგორც კი თქვენი შვილი შეძლებს მყარი ნაბიჯები გადადგმას, უკვე შესაძლებელია, რომ ის გარეთ უსწორმასწორო ზედაპირზეც გაიყვანოთ სასიარულოდ. ამ დროს უკვე საჭიროა ადრეული ფეხსაცმელი ბავშვის ტერფის დასაცავად.

როგორი უნდა იყოს ფეხსაცმელი პირველი ნაბიჯებისთვის?

შეარჩიეთ რბილი ქსოვილისგან ან ტყავისგან დამზადებული ფეხსაცმელი, რომელსაც აქვს მოქნილი ძირი, რომელიც არ ცურავს. ფეხსაცმელი ბავშვს უნდა ერგებოდეს, როგორც სიგრძეში, ასევე სიგანეში.

დარწმუნდით, რომ სწორად გაქვთ დადგენილი ტერფის ზომა. შეეცადეთ, რომ იყოს საკმარისი მანძილი, (სიგრძე-სიგანე) თითების თავისუფლად მოძრაობისთვის, ფეხი დაფიქსირებული იყოს უსაფრთხო შესაკრავით, როგორიცაა მაგ. ფხრიწი, თასმა ან ბალთა, რომ უზრუნველყოფილ იქნას ტერფის დაფიქსირება და ბავშვის ტერფი წინ და უკან არ მოძრაობდეს. ამით თქვენ დაიცავთ ბავშვის თითებს.

თქვენი შვილის ტერფის ზომა უნდა შემოწმდეს ყოველ 6-8 თვეში. 4 წლის ასაკამდე, ბავშვის ტერფი საშუალოდ წელიწადში 2 სანტიმეტრით იზრდება.

დატოვეთ მინიმუმ 1 სანტიმეტრიანი სივრცე ფეხსაცმლის კიდესა და ყველაზე გრძელ თითს შორის. ფეხსაცმლის სიგანე უნდა იყოს ისეთი, რომ თითები თავისუფლად თავსდებოდეს და არ იყოს ერთმანეთთან მჭიდროდ მიჭერილი ფეხსაცმლის ზემოქმედებით. ბავშვის ტერფები უფროს სწრაფად იზრდება გაზაფხულზე და ზაფხულში. შედარებით ნელი ტემპით ხდება მათი ზრდა ზამთარში.

რა პრობლემები შეიძლება შეექმნას ტერფს?

თუკი თქვენ შეამჩნიეთ პრობლემები ბავშვის ტერფის განვითარების პროცესში, მიმართეთ ექიმს.

ქვემოთ ჩამოთვლილია განვითარების რამდენიმე  დეფექტი, რომელიც უარყოფით ზეგავლენას ახდენს ტერფზე:

ტერფის გამრუდება – დაბადებიდან დაყოლილი მდგომარეობა, რომელიც 1000-დან 1-2 ბავშვში ვლინდება. მრუდე ტერფის გამომწვევი მიზეზები დაუდგენელია, მაგრამ დაკვირვებები აჩვენებს, რომ უფრო ხშირად ბიჭებშია გავრცელებული და შესაძლებელია მემკვიდრეობითი იყოს.

მკურნალობა დაბადებიდან მალევე იწყება, უფრო ხშირად ფიზიოთერაპიის დახმარებით, რაც საშუალებას იძლევა, რომ ბავშვის ტერფი დაუბრუნდეს ბუნებრვი მდგომარეობას. მკურნალობა შეიძლება განხორცილდეს თაბაშირის სახვევებით და სპეციალური ფეხსაცმლითაც.

ბრტყელი ტერფი –  ამ მდგომარეობაში ბავშვები იბადებიან. თუმცაღა რთულია იმის თქმა ნამდვილად ბრტყელი ტერფი აქვს თუ არა ბავშვს, რადგან სრულიად ჩამოყალიბებულად მხოლოდ 7 წლისთვის იჩენს თავს.

ბავშვების უმეტესობა არ დგამს ნაბიჯებს ისე, როგორც ზრდასრული ადამიანი, ანუ ქუსლიდან წვერამდე, მანამ სანამ მათ 3 წელი არ შეუსრულდებათ, მაგრამ თუ ბავშვს აქვს ბრტყელტერფიანობის ნიშნები 5-6 წლის ასაკში და გრძნობს ტკივილს, მაშინ აუცილებლად უნდა მიმართოთ ექიმს. შესაძლებელია ბავშვს გამოუწერონ სუპინატორიანი რბილი ფეხსაგები ტერფის თაღის დასაყრდენად.

ტერფის შიდა ან გარე მხარეზე სიარული –  ეს მდგომარეობა ძირითადად ხდება ჩვენგან დამოუკიდებლად, როდესაც ბავშვის უკვე მყარად ადგამს ნაბიჯებს. თუ 2 წელზე მეტი ხნის ბავშვი ასე დადის, უნდა მიმართოთ ექიმს, განსაკუთრებით მაშინ, თუ ეს ყველაფერი მხოლოდ ცალ ფეხზე ხდება.

ფეხის წვერებზე სიარული –  ამ მდგომარეობაში ბავშვის წონა მთლიან ტერფზე არ ნაწილდება.  2 წლამდე ასაკისთვის ეს შეიძლება ნორმა იყოს, განსაკუთრებით მაშინ როდესაც ბავშვი ბრტყელ ზედაპირზე ფეხშიშველი დადის.

ფეხის წვერებზე მუდმივი სიარული შესაძლებელია გამოწვეული იყოს პათოლოგიურად მოკლე აქილევსის მყესის გამო. ეს მდგომარეობა აუცილებლად საჭიროებს მკურნალობას. სასურველია ბავშვი ნევროლოგმაც გასინჯოს.

სხვას რას უნდა მივაქციოთ ყურადღება?

სისტემატიურად შეამოწმეთ ბავშვის ტერფები, რადგან ბავშმა ყოველთვის არ შეიძლება თქვას, რომ ტერფი სტკივა.

წყლულები – ხშირად გამოწვეულია ახალი, ან არასწორად შერჩეული ფეხსაცმლით. გადაამოწმეთ ფეხსაცმლის ზომა თუ ბავშვის ფეხი სიგრძეში ან სიგანეში გაიზარდა. ბავშვს ყოველთვის არ შეუძლია თქმა, რომ მას ფეხი ეხეხება ან ფეხსაცმელი აწვება. გახადეთ წინდები და ფეხსაცმელი გარკვეული დროით, რომ წყლული მოხმეს. თუ კანი დაზიანებულია, გამოიყენეთ ანტისეპტიკური საშუალებები. არ გახეთქოთ წყლული, რომ არ შეიჭრას ინფექცია.

ფრჩხილების ჩაზრდა – იწვევს კანის ანთებას ფრჩხილის მხარეს, კანი ხდება წითელი და მშრალი. ძირითადი მიზეზი ფრჩხილების არასწორი მოჭრაა.

თანაბრად მოაჭერით ბავშვს ფრჩხილები, მოაჭერით სწორად და არა ნახევარწრეზე. არასოდეს მოაჭრათ ფრჩხილები ნაპირებზე ძალიან მოკლედ. თუ ბავშვი ფრჩხილის ტკივილზე ჩივის, მიმართეთ ექიმს.

მიკოზი -ეს სოკოვანი დაავადებაა, რომლის ამოცნობაც წითელი, სისველის მქონე გამონაყარით შეგიძლიათ. ის განსაკუთებით ვრცელდება თითებს შორის. მიკოზი ბავშვებში იშვიათობაა. მიკოზის თავიდან აცილება შესაძლებელია ბამბის წინდების ხმარებით და ბანაობის შემდგომ თითებს შორის სივრცის კარგად გამშრალებით. მიმართეთ ექიმს თუკი შეამჩნევთ თქვენი შვილის კანზე და ფრჩიხლებზე საეჭვო ცვლილებებს.

ატიპასი – თქვენი ბავშვის პირველი ნაბიჯებისთვის

ატიპასის წარმომადგენლობა პედიატრებთან ერთად გირჩევთ ფეხსაცმელს, რომელიც სპეციალურად თქვენი შვილის ადრეული ნაბიჯებისთვისაა შემუშავებული. მოქნილი, მოცურებისაგან დაცული ძირი ყველა პირობას ქმნის ბავშვის კუნთების სათანადო ვარჯიშისათვის.

• ატიპასი ბუნებრივავ აყალიბებს ბავშვებში გამართული სიარულის უნარს.
• ატიპასი უზრუნველყოფს ბავშვის ტერფის სწორ განვითარებას და ხელს უშლის ბრტყელტერფიანობის ჩამოყალიბებას.
• ატიპასი ხელს უწყობს თავის ტვინის ფუნქციების განვითარებას ბავშვის ფეხის თითების მოტორიკის ხელშეწყობის ხარჯზე.
• ატიპასი აკორექტირებს სიარულს წონის მთლიან ტერფზე გადანაწილების პრინციპიდან გამომდინარე.
• ატიპასი იმეორებს ბავშვის ფეხის მოყვანილობას, რომ ხელი შეუწყოს ფეხის ბუნებრივ განვითარებას.